Rama: Me teknologjinë e re mund të zgjidhim probleme të krimit e të korrupsionit

Kryeministri Edi Rama ndodhet në një vizitë në Dubai, ku po merr pjesë në Samitin Botëror të Qeverisjes.

Kreu i qeverisë mori, së bashku me kryeministrin britanik Tony Blair, zhvilluan një bisedë në sesionin e mbajtur mbi rolin e teknologjisë në adresimin e sfidave qeverisëse.

Rama në fjalën e tij tha se nëse do të përdoret teknologjia mësuesit dhe mjekët nuk kanë asnjë arsye për t’u larguar nga vendi i tyre.

Mes tjerash ai theksoi se përmes teknologjisë së re mund të zgjidhim probleme të kriminalitetit dhe të korrupsionit.

“Ajo që përmendët për mësuesit dhe mjekët është një tjetër pjesë e bekimeve, sepse nënkupton që vende si Shqipëria përmes teknologjisë të marrin pjesë në një hapësirë të dijes më të mirë të botës. Kjo zgjidh  problemet që vendi jonë por dhe vendet tjera kanë me personelin. Gjithë Europa jugore po vuan nga mjekët pasi këta shkojnë në një vend tjetër. Dubai është një nga vendet më të sigurta në botë për shkak të teknologjisë. Përmes teknologjisë së re mund të zgjidhim probleme të kriminalitetit dhe të korrupsionit”-tha Rama.

LEXONI GJITHASHTU: 

• Gjoba, rrahje, dyshime për vrasje, lirohen anëtarët e bandës së rrezikshme shqiptare
• Rusia vë në listën e të kërkuarve kryeministren e Estonisë