Rama mungon në seancë, Bardhi: S’kam kërkuar interperlancë me hijet e kryeministrit

Kryeministri Edi Rama nuk do të jetë prezent në interpelancën e thirrur nga “grupi Alibeaj” ndaj tij në lidhje me përfshirjen në çështjen McGonigal. Bëhet me dije se Rama ia ka ka deleguar kompetencën ministers së Shtetit Elisa Spiropali për tu përgjigjur në emër të tij.

I menjëhershëm ka qenë dhe reagimi i deputetit të PD-së Gazment Bardhi i cili tha se nuk ka kërkuar interperlancë me hije të kryeministrit.

Ai ka kërkuar që Rama të shkojë në seanca dhe të japë llogari në lidhje me çështjen McGonigal.

“Unë nuk kam kërkuar interperlancë me hije të kryeministrit, kam kërkuar interperlancë me kryeministrin për takimet e tij private. Rama si u pandehur mund të vazhdojë të zbatoj të drejtën e tij për të heshtur, por unë se kam thirrur këtu sit ë panddehur por si kryeministër i Shqipërisë dhe si i tillë nuk mund të fshihet pas Elisës, Nezës e as McGonigal. Të vij këtu dhe të japë llogari se si me veprime kriminale mafioze ka korruptuar një zyrtar të lartë të FBI për ta përdorur si vegël në duart e tij të pista. Ti Nikolla thirre kryeministrin të vij këtu dhe të japë llogari. Sillu si kryetare e jo si kukulla e Ramës”- tha ai.

LEXONI GJITHASHTU: 

• Interpelanca për çështjen McGonigal/ Rama nuk shkon në Kuvend, ia delegon Spiropalit
• “Kur flet Albana injoranca çohet nga varri”, Balla: E keni problemin me veten