Rama në Asamble: Për Shqipërinë flasin keq vetëm ata që e duan të vdekur PS

Kryeministri Edi Rama ka mbajtur fjalën në Asamblenë e PS, ku tha se Shqipëria tashmë është futur në hartën turistike të Europës.

Shefi i qeverisë deklaroi se Tirana, këtë vit ndryshe nga vitet e tjera ka qenë plot me turistë, gjatë muajve të verës.

Rritja e turizimit sipas kryeministrit është fryt i punës 10-vjeçare të maxhorancës socialiste.

Më tej ai nënvizoi se për Shqipërinë flasin keq vetëm ata që e duan të vdekur Partinë Socialiste.

“Tirana kryeqyteti ynë i betonizuar, i mbytur në hijen e kullave të krimit, ku dëgjohen çdo ditë e çdo natë që prej 10 viteve, kujet e vajtocave të bulevardit politik e mediatik, ku këtu nuk punohet por vetëm pastrohen para të pista, këtu nuk jetohet. Kryeqyteti që deri dje kur vinte Korriku banohej vetëm nga punonjësit e shtetit dhe kur vinte gushti ishte në shkretëtirë, këtë vit u pushtua nga turistët. Rrugë më rrugë dhe shpi më shpi, duke sjellë një  lumë të pa taksuar parash direkt në arkën e familjeve, në apartamentet dhe dhomat e dhëna me qira. Një fenomen i ri  ky i zhvillimit të Shqipërisë turistike. Shqipëria sot ka hyrë në hartën turistike të Europës, pa shpenzuar asnjë qindarkë për reklama mediatike, ndërsa për Shqipërinë dhe kryeqytetin e saj flasin keq vetëm shqipfolësit pa din e pa imam të këtij vendi që na duan mua dhe këtë parti të vdekur. Po i nxijnë jetën shqiptarëve dhe po i lënë pa gojë të huajt”- tha Rama.

LEXONI GJITHASHTU:

• Gazetari: Do kemi lajm të fortë, një socialist i rëndësishëm do marrë drejtimin e PS
• “Shqipëria u bë destinacion për europianët”, Rama: 1001 arsye për të qenë krenarë