Rama në krahë të Biden, prapaskenat e Samitit të NATO-s në Uashington

Në Uashington po mbahet Samiti i NATO-s, ku pjesë janë liderët e vendeve pjesëmarrëse të aleancës.

Mediat e huaja kanë publikuar momente nga Samiti, ku Biden shihet krah kryeministrit Edi Rama, teksa bëjnë gjeste me njëri-tjetrin.

Në fotografi duket se afër Biden dhe Ramës është edhe shefi aktual i NATO-s, Jens Stoltenberg.

Konferenca e vetme për shtyp e Biden që do të mbahet mbrëmjen e së enjtes, do të jetë pjesa më kritike e Samitit të NATO-s, si për presidentin ashtu edhe për aleancën.

Nga fotografitë duket se kontrasti është mjaft i fortë: Presidenti Joe Biden, i dobët fizikisht dhe politikisht, duke kryesuar atë që mund të ishte Samiti i tij i fundit i NATO-s, në një moment kur aleanca nuk ka qenë kurrë kaq e fortë.

Ky tension ka kapur zyrtarët e NATO-s nga shumë vende evropiane, të cilët thonë se janë të alarmuar nga rënia e dukshme e Biden dhe gjithnjë e më shumë të shqetësuar nga perspektiva për të parë një kampion të flaktë të aleancës, të zëvendësuar në nëntor nga Donald Trump, i cili shihet si armiqësor i NATO-s.

Zyrtarët e NATO-s janë të trishtuar për mënyrën se si fati i Bidenit është kthyer dhe që samiti që duhet të ishte festiv, nuk është i tillë.

Ata janë gjithashtu gjithnjë e më të shqetësuar nga disfata e mundshme e tij këtë nëntor, për të cilën ata kanë frikë se mund të ndalojë ose të ndryshojë momentin e fundit të aleancës së 32 vendeve anëtare, duke kërcënuar aftësinë e Ukrainës për të shmangur sulmin e Rusisë dhe stabilitetin më të gjerë, që ka qenë themeli i organizatës që nga Lufta e Ftohtë.

LEXONI GJITHASHTU:

• Ish-Presidenti i Rusisë kërcënon: Moska duhet të synojë zhdukjen e Ukrainës e NATO-s
• Anëtarët e NATO-s i premtojnë Ukrainës avionë luftarakë dhe ndihmë shtesë