Rama: Në tetor s’do hyjë në fuqi fasha 800 KW për konsumatorët familjarë

Kryeministri Edi Rama ka bërë me dije se fasha 800 KW nuk do të hyjë në fuqi në tetor për konsumatorët familjarët.

Lajmin Rama, e ka njoftuar në një postim që ka bërë në rrjetet sociale, duke thënë kjo fashë synon mbrojtjen e 96% të familjeve.

Sipas tij, kjo metodë që do ndiqet nga nesër në vendin tonë është ndjekur dhe nga vendet e tjera, dhe qëllimi është kursimi i energjisë.

“Nga nesër është planifikuar hyrja një fuqi e fashës së konsumit 800 KW mbi çmimin e mbrojtur nga qeveria për konsumatorët familjarë. Kjo fashë synon mbrojtje në vazhdimësi të 96% të familjeve  të cilat dhe gjatë dimrit nuk e kalojnë  këtë fashë, dhe nga ana tjetër 4% e abonentëve të cilët e kalojnë këtë kufi dhe konsumojnë afro 20%  të të gjithë sasisë të paguajnë me çmimin reali çdo KW mbi kufirin e 800 KW. Kjo është një metodë e ndjekur nga plot vendet për të kursyer energjisë në këtë kohë kaq të zymtë dhe për të mos paguar nga taksat e të gjithëve mbrojtjen e çmimit për konsumin e lartë të një pakice”- thotë Rama.

Numri një i qeverisë tha se sistemi ynë energjitik dhe hidrocentralet plotësojnë vetëm 75% të nevojave për energji elektrike, ndërsa shtoi se plani është që këto nevoja të plotësohen 100%.

“Disa thonë se vendi ynë s’ka lidhje me energjinë elektrike sepse ka ujë dhe hidrocentrale sa të duash po as e para as e dyta nuk janë të vërteta, burimet ujore varen nga reshjet. Sistemi ynë energjitik, me hidrocentralet plot e përplot plotëson vetëm 75% të nevojave për energji. Ne siç e keni parë po ecim sipas planit që të plotësojmë 100% të nevojave me prodhim të brendshëm energjie brenda këtij 4 vjeçari dhe për ta bërë Shqipërinë eksportues Neto të energjisë.

Pikërisht se nuk i plotësojmë dot të gjithë nevojat do të vazhdojmë të dalim në tregun ndërkombëtar. Jemi këtu për të garantuar mbrojtjen e çmimit të energjisë, por dhe për të mos lënë asgjë pabërë që barra faktike dhe psikologjike e kësaj luftë të lehtësohet sa më shumë”-deklaroi Rama.

LEXONI GJITHASHTU: 

• Rama tregon arsyet pse qeveria u tërhoq nga rritja e çmimit të energjisë
• ERE miraton çmimin e ri, kush harxhon mbi 800 kWh në muaj paguan më shumë