Rama nis turin e takimeve në diasporë, Klosi: Krijojmë degët tona kudo ka shqiptarë

Sekretari i përgjithshëm i PS, Blendi Klosi tha në një intervistë për Euronews Albania turi i takimeve të kreut të PS, Edi Rama me diasporën do të nisë nga Athina në fillim të majit.

Ai u shpreh se qëllimi i këtij turi është takimi me emigrantët shqiptarë dhe forcimi i PS përmes krijimit të strukturave dhe degëve kudo ka shqiptarë.

“Kemi zgjedhur ditë të diel kur emigrantët do jenë pushim, takimet e para nisin në Athinë në fillim të majit. Në bazë të informacioneve do jetë vetëm një takim i fokusuar te takimi me emigrantët dhe forcimin e PS, për të krijuar strukturat dhe degët tona kudo ku ka shqiptarë. Ne e kemi ngritur zërin dhe kemi shprehur vullnetin me kodin e ri për votën e emigrantëve. Biseda është me shqiptarët për Shqipërinë”, tha Klosi.

LEXONI GJITHASHTU:

• Rama tur takimesh me Diasporën, ndalesa e parë fillon nga Athina
• Akademia e Man Cityt në Durrës, Rama: Do sjellim dhe akademinë e Rafael Nadal