Rama: Njësi policore me emrin ‘Jonada’ për të monitoruar plazhet

Kryeministri Edi Rama njoftoi se do të ngrihet një njësi speciale policore që do të quhet Jonada.

Njësia policore do të marrë emrin e 7-vjeçares që mbeti e vrarë në tragjedinë e Himarës, e përplasur për vdekje me skaf nga ish-polici Arjan Tase.

Rama tha se kjo njësi do të jetë aktive vitin tjetër dhe do të monitorojë plazhet nga uji dhe ajri për të garantuar siguri të plotë për pushuesit.

“Të krijojmë njësi speciale policore që do ta quajmë Jonada dhe vitin e ardhshëm të jetë aktive në monitorimin e plazheve nga uji dhe nga ajri, me dron për të garantuar siguri të plotë për pushuesit. Duke imponuar rregullat e lëvizjes së mjeteve ujore pa u rënë në qafë për inerci të gjithë atyre që vizitojnë Shqipërinë përmes ujërave dhe nuk kanë asnjë arsye të shohin polic me sy për sa kohë nuk po cenojnë asgjë”, tha Rama.

LEXONI GJITHASHTU:

• Rama për hetimin e Martinaj: Po dëgjojmë legjenda me luanë, jo u vra, jo s’u vra
• Policia paguan për drejtësinë e korruptuar, Rama: ‘Zbardhën’ të paudhin e Himarës