Rama po mbron ortakët e krimit të zgjedhjeve, akuzon Basha

Lulzim Basha doli kundër vendimit të PS-së për të mos përjashtuar Ornaldo Rakipin.

Sipas tij, Rama është mburojë e non gratave dhe këta persona e ndihmojnë të qëndrojnë në pushtet.

“Pa ta nuk bën dot afera si ato të inceneratorëve, pa ta nuk ndan dot administratën si plaçkë, pa ta nuk e shpërndan dot buxhetin e shtetit sipas orekseve të të babëziturve që përdor për të shkatërruar zgjedhjet,” – shkroi Basha në Facebook.

Ish-lideri i partisë demokratike ngriti pyetjen se për kë i bleu votat Aqif Rakipi më 25 prill. Sipas tij Rama e di përgjigjen e kësaj pyetje dhe ndaj nuk po merr masa ndaj djalit të ish-deputetit.

Ornaldo Rakipi është pjesë e grupit parlamentar të PS-së, ndërsa i ati,  ish-deputet i PDIU u shpall i padëshiruar nga SHBA-ja më 11 prill sepse cilësohet si “kërcënim serioz për stabilitetin dhe demokracinë në rajon”.

LEXONI GJITHASHTU:

• PS nuk përjashton nga grupi parlamentar Ornaldo Rakipin
• ‘Përgjegjësia është personale’, PS asnjë vendim për Ornaldo Rakipin