Rama prezanton reformën e arsimit profesional: Çfarë duhet të dinë kompanitë e mëdha

Kryeministri Edi Rama mblodhi këtë të premte një takim me sipërmarrjen, drejtuesit e shkollave profesionale dhe partnerët ndërkombëtarë, ku prezantoi skemën e re të reformës në arsimin profesional.

Rama njoftoi se duke parë mungesën e personave të kualifikuar në tregun e punës, do të krijohet “Fondi Kombëtar i Aftësimit”, i cili do të mbështesë “Arsimin Profesional Dual”, ku do të përgatiten profesionistët e rinj.

Sipas kryeministrit kompanitë më të mëdha në vend do të duhet të shpenzojnë 1% të kapitalit të përgjithshëm të shpenzimeve të tyre për trajnimin e personelit.

“Ne nuk mund të presim që ndryshimi kulturor të ndodhë kur të ndodhë, prandaj që sot të gjitha bizneset më të mëdha të Republikës së Shqipërisë duhet ta dinë që 1% e shpenzimeve të tyre totale duhet të shkojë për këtë punë. Ose do të shkojë për këtë punë, ose do t’u merret për këtë punë dhe do të krijojmë Fondin Kombëtar të Aftësimit, i cili do të mbështesë gjithë këtë proces duke mos e lënë thjesht në vullnetin e sipërmarrjeve, mbi një bazë kuotash dhe kontributesh që do të shkojnë për zhvillimin e kapitalit njerëzor si dhe për gjithë këtë skemë të arsimit professional. Tani ende jemi duke diskutuar opsionet dhe këtu është e rëndësishme të vazhdojë diskutimi që është hapur me kompanitë, por opsioni më i mundur është që ky, 1% të investohet për trajnimin në vazhdim të personalit dhe pjesëmarrjen në këtë skemë të Arsimit Professional Dual”, tha Rama.

LEXONI GJITHASHTU:

• “Lëvizjet” e Ramës në samit, nga takimi me Mitsotakis tek fotoja krah Zelenskyt
• “Më e lehtë me miqtë”- Vuçiç ndan foton me Ramën dhe Orban nga samiti në Britani