“Rama racist kundër Fred Belerit”, Bushati: Ose drejtohemi nga një i çmendur, ose…

Analisti Andi Bushati tha në “Now me Erla Mëhillin” se kryeministri Edi Rama është treguar racist kundrejt Fredi Belerit.

Ky i fundit është arrestuar nga policia në prag të zgjedhjeve të 14 majit, pranë ambienteve të lokalit të tij sepse akuzohet për korrupsion në zgjedhje kryer në bashkëpunim.

“Jemi në një pikë ku shteti demokratik bie, fjala e institucioneve nuk ka më besueshmëri. Këta janë nga ata që të fusin pakon e kokainës në makinë, nesër ta fotografojnë dhe nesër të fusin në burg dhe me atë. Prandaj unë ngjarjen e lidh jo me fotot, por me lidhjen korrelative që ndodh tashmë prej muajsh dhe është bërë zakon, të shan Edi Rama në Asamble të PS-së apo në studiot televizive dhe turren bashibuzukët e policive dhe prokurorive dhe të arrestojnë, ky është problemi,” – u shpreh Bushati.

“Gjuha raciste e kryeministrit tim për një muaj me radhë, kundër Fred Belerit, ose ka ndodhur se ne drejtohemi nga një i çmendur ose ndodhemi në kushtet kur ky kryeministër po ushqen popullin me delir për të gjetur kamikazë si ata policë që i vunë prangat dhe ai prokuror që pranoi të firmosë arrestimin që është padyshim politik,” – shtoi analisti i cili tha se nuk mendon që Fred Beleri është burrë i mirë, por në këto kushte kjo është e parëndësishme.

LEXONI GJITHASHTU:

• Ironizon Vangjeli: Herkuli i Tiranës s’ka pse ndeshet me liliputin e Himarës
• Eksperti: Provat që pritet të dalin për Belerin dhe që i janë nisur ndërkombëtarëve