Rama reagon ndaj pedagogut: I maskuar si sindikalist, sjell zullumet e ‘non gratave’

Kryeministri Edi Rama ka reaguar ashpër ndaj kreut të Sindikatës së Pedagogëve, Sandër Kovaçi.

Përmes një postimi në rrjetet sociale, Rama u shpreh se Kovaçi është një person i cili ka punuar në Shërbimin Informativ Shtetëror në vitin 1997 dhe është maskuar si sindikalist në protestën e pedagogëve.

Sipas kreut të qeverisë, Kovaçi po sjell zullimin e opozitës në hapësirën universitare dhe se kërkesat e sindikatës nuk do të merren seriozisht ngas qeveria.

“Krenar që ka qenë shiks i kohës së zezë të 97-ës le të jetë sa të dojë, po një shiks i maskuar si sindikalist për të importuar zullumin e nongratave e të rublave në hapësirën universitare, s’ka asnjë shans të merret seriozisht në kërkesat e tij fyese për këtë situatë lufte!”, shkroi Rama në Twitter.

Krenar që ka qenë shiks i kohës së zezë të 97-ës le të jetë sa të dojë, po një shiks i maskuar si sindikalist për të importuar zullumin e nongratave e të rublave në hapësirën universitare, s’ka asnjë shans të merret seriozisht në kërkesat e tij fyese për këtë situatë lufte!

— Edi Rama (@ediramaal) October 19, 2022

Sindikata e pedagogëve ka përshkallëzuar bojkotin, teksa nesër do të zhvillohet një protestë kombëtare.

Pedagogët kërkojnë edhe prezencën e studentëve në këtë protestë, e cila do të zhvillohet para godinës së Korpusit Qendror të Universitetit Politeknik.

Më herë gjatë ditës së sotme, Rama është shprehur se nuk do të ketë asnjë pakt me pedagogët të cilët prej ditësh kanë dalë në protestë.

Në fjalën e tij, Rama tha se nuk do të ketë asnjë pakt me pedagogët duke shtuar se këto të fundit kanë mundësi që të punojnë dhe në universitetet private.

LEXONI GJITHASHTU

• ‘I pamundur kërkimi shkencor me këto paga’, pedagogu: 1500 euro për një konferencë
• “Kërkesat jo të arsyeshme”, Bozo: Pedagogët të kërkojnë fonde për kërkim shkencor
• Rama u kthehet pedagogëve: Asnjë pakt nuk do të ketë me ju