Rama tregon se kur do të hapet aksi Kardhiq-Delvinë dhe Bypass i Vlorës

“Në 2 korrik hapet aksi i shumëpërfolur Kardhiq-Delvinë, në 9 korrik hapet Bypass i Vlorës”. Kështu u shpreh kryeministri Edi Rama gjatë fjalës së tij në Kuvend.

Ai u shpreh se shkurtin e vitit të ardhshëm, do të nisë punë edhe për ndërtimin e Urës së Bunës.

“Unë po flas për pasqyrën e bazuar mbi faktet. Ju përmendët Urën e Bunës zonja Tabaku dhe bëtë shumë mirë. Ju falënderoj dhe është një projekt shumë i rëndësishëm për industrinë tonë turistike dhe zonën e përbashkët atje mes Shqipërisë dhe Malit të Zi.  Ne shkurt të vitit të ardhshëm të gjitha këto mund të ndryshojnë, por plani është që shkurt të vitit të ardhshëm do jem atje për të filluar puna për ndërtimin e urës. Po ndeshemi me një situatë jo të lehtë për shkak të rritjes së çmimeve, sidoqoftë shkurtin e ardhshëm fillon puna atje”, tha kreu i qeverisë.

Kryeministri Rama iu përgjigj deputetes së PD, Jorida Tabaku duke e pyetur se ku i ka gjetur shifrat e INSTAT pasi në ato që mban përpara vetë ai, rezulton se në Shqipëri është niveli i inflacionit më i ulët se në vendet e tjera të rajonit.

 LEXONI GJITHASHTU:

• Margariti replikon me Zhupën: Nuk do të ketë tjerësim të pronës në Butrint
• Koncesion për Butrintin, Zhupa: T’ia japim privatit edhe Ministrinë e Kulturës