“Rama u përpoq të ripoziciononte veten”, Ramabaja: Si u prit fjalimi i tij në Kosovë

Analisti Sadri Ramabaja ishte këtë të premte i ftuar në një intervistë në Euronews Albania ku ndër të tjera ka komentuar edhe konferencën për shtyp të mbajtur sot nga kryeministri Rama, i cili bëri edhe një herë thirrje Serbisë që të lirojë tre policët e arrestuar dhe se deri sa ata të lirohen, kjo çështje do të jetë i vetmi diskutim mes Shqipërisë dhe Serbisë.

Ramabaja tha se kryeministri Rama me këto deklarata u përpoq të ripozicionojë veten, ndërsa shtoi se ai ka krijuar irritim te opinioni publik në Kosovë, me gjuhën e zgjedhur.

“Edi Rama u përpoq të ripozicionojë vetveten në rolin që ai pretendon të marrë në këtë garë, por duket se miku i tij Aleksandër Vuçiç nuk e ka përfillur kërkesën tij për lirimin e tre policëve dhe ky fakt flet se Vuçiçi urdhrat i merr nga Putini dhe aspak nga Rama.

Sido që të jetë gjuha e pazgjedhur e Ramës në konferencën që mbajti sot, krijoi një irritim te një pjesë e mirë e opinionit publik këtu në Kosovë. Krahasimi metaforik i dy prijësve të Ballkanit, në këtë rast presidentit serb dhe kryeministrit kosovar me Tomin dhe me Xherrin nuk i shkon për shtat një politikani të arsyeshëm, por duhet të mësohemi me këto metafore banale të Edi Ramës dhe të ecim tutje”,-tha Sadri Ramabaja.

LEXONI GJITHASHTU:

• Debat në studio me studentin e mjekësisë: Duam të ikim, këtu mjeku nuk mbështetet!
• Ankimi i BF për Kuçovën, Kolegji shqyrton kërkesën për përsëritjen e zgjedhjeve