Rama uron zgjedhjen e Kryepeshkopit të Kishës Ortodokse Autoqefale të Shqipërisë

Kryeministri Edi Rama ka uruar, përmes një statusi në rrjete sociale zgjedhjen e Kryepeshkopit Joan Pelushi në krye të Kishës Ortodokse Autoqefale të Shqipërisë.

“MIRËMËNGJES dhe me kënaqësinë e rrallë të zgjedhjes së një shqiptari ndër më të mirët në krye të Kishës Ortodokse Autoqefale të Shqipërisë, si edhe me urimin e posaçëm për Hirësinë e Tij, Kryepeshkopin Joan Pelushi, që Zoti ta mbrojë e ta udhëzojë gjithnjë në misionin e Tij të udhërrëfyesit të grigjës së besimtarëve ortodoksë, ju uroj të gjithëve një javë të mbarë”, shkruan Rama.

Kujtojmë që Sinodi i Shenjtë zgjodhi me votim unanim Kryepeshkopin Joan Pelushi si pasues të Anastas Janullatos. Kryepeshkopi i ri pranoi detyrën dhe u zotua për mbrojtjen e interesave të Kishës Ortodokse Autoqefale të Shqipërisë.

LEXONI GJITHASHTU:

• Patriarku Bartolomeu uron Kryepeshkopin Joan: Shërbim të gjatë e të shkëlqyer
• Presidenti Begaj uron Kryepeshkopin e ri të Kishës Ortodokse të Shqipërisë