Rama zbulon ndihmën ekonomike për ushtarët dhe nënoficerët

Kryeministri Edi Rama ka bërë me dije se ushtarët dhe nënoficerët e ushtrisë do të përfitojnë 20 mijë lekë të reja nga Pakoja e Madhe e ndihmës ekonomike.

Përmes një postimi në rrjete sociale, shefi i qeverisë thotë se kjo ndihmë jepet si përkrahje për përballimin e rritjes së çmimeve të shkaktuara nga lufta në Ukrainë.

Rama nënvizon gjithashtu se ndihma për ushtarët dhe nënoficerët, vjen pasi ata janë personeli në radhët e ushtrisë të cilët kanë pagat më të ulëta.

“20 000Lekë (të reja) nga Pakoja e Madhe do u shpërndahen ushtarëve bazë e nënoficerëve që pavarësisht rritjes së konsiderueshme të pagave këtë vit për gjithë ushtarakët tanë, janë ata që paguhen më pak se sa të tjerët në Forcat e Armatosura dhe kështu do të ndihmojnë familjet e tyre me zerimin e impaktit të inflacionit të luftës në këtë periudhë të vështirë për të gjithë”, shkruan Rama në facebook.

LEXONI GJITHASHTU: 

• Rama njofton paketën e ndihmës: Mbështetje ekonomike për 1 milion individë
• Heqja e barrikadave në veri të Kosovës, reagon Albin Kurti
• Nënë Tereza i dërgoi një letër Enver Hoxhës, Blendi Fevziu zbulon mesazhin