Ramaj: Hetimi për Ahmetajn ka nisur prej 1 viti, do e ketë të vështirë mbrojtjen

Avokati Redi Ramaj, ka komentuar kërkesën e SPAK për arrestimin e ish-ministrit Arben Ahmetaj.

Në një intervistë për Euronews Albania, ai theksoi se hetimi për Ahmetajn ka nisur prej 1 viti, duke shtuar se ka elementë shumë të fortë që bëjnë që ish-ministri ta ketë të vështirë mbrojtjen.

“Kam të dhëna që Ahmetaj është larguar nga Shqipëria dhe ndodhet në Greqi.  Pas heqjes së mandatit dosja duhet të shkojë në Gjykatë. Menjëherë pasi të merret miratimi i Kuvendit, them që dosja duhet të shkojë në Gjykatë. Efekti i urdhër-arrestit futet në fuqi sapo ta miratojë Gjykata. Fakti që në dosje përmendet Alda Klosi, do të thotë që ngjarjet do të kenë lidhje. Por kjo është hamendësim, sepse nuk e dimë se si ka ecur hetimi. Fakti që është hetim 1 vjeçar, unë mendoj se do të ketë elementë të vështirë për akuzën. Mendoj se do të jetë shumë e vështirë për Ahmetajn që të përballet me fakte dhe prova konkrete, që lidhen me funksionin e tij”- tha ai.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU: 

• U shkatërruan 3900 prona dhe makina, dëmet nga protestat në Francë 650 mln euro
• Schmidt kërkon ndjekje penale për mohuesit e gjenocidit në Srebrenicë