Deputeti i Partisë Demokratike, Oerd Bylykbashi thotë se opozita kërkon mocion me debat në Kuvend, pas raportit të DASH-it për Shqipërinë.
Gjatë fjalës së tij në Kuvend, Bylykbashi u shpreh se çështjet e trajtuara nga DASH-i në raport, gjunjëzojnë çdo lloj qeverie.
“Kërkesa është mjaft e qartë, kërkojmë mocion me debat që të jetë sot në rendin e ditës dhe për këtë arsye kemi cituar më pas edhe neni përkatës për ndryshimin e rendit të ditës. Çështjet që ngre raporti i DASH-it janë çështjet që ulin në gjunjë çdo lloj qeverie.
Korrupsioni, abuzimi me të drejta e shtetasve shqiptarë nga kjo qeveri, dhunimi i lirisë së medias, koncensionet skandaloze , dhunimi i zgjedhjeve, a ka çështje më prioritare se kaq? Ne kemi kërkuar ndryshimin e rendit të ditës. Kemi kërkuar debat për raportin e DASH-it”, theksoi Bylykbashi.
LEXONI GJITHASHTU