Raporti paraprak i OSBE/ODIHR, Glover: Fushata e qetë, por e polarizuar

Shefja e misionit të vëzhguesve të ODIHR, Audrey Glover në konferencën e parë pas zgjedhjeve të 14 majit tha se dita e votimit ishte e paqësore por pati ndikim nga partitë dhe votimi në grup.

Glover u shpreh se shqetësuese gjatë fushatës ishte ndikimi i partive kryesore politike tek media por edhe presioni ndaj administratës.

Glover gjithashtu nënvizoi se procesi pati një problematikë që ishte përqendrimi i fushatës jo tek kandidatët por te forcat politike, duke penguar zgjedhësit të bënin zgjedhjen në interes të tyre.

“Kandidatët nuk kanë zhvilluar debate me njëri-tjetrin por kanë përdorur gjerësisht rrjetet sociale. Lidhja e mediave me partitë kryesore politike është shkak ndikim në mungesën e lajme të paanshme. Shqetësim është presioni i bërë ndaj administratës publike. Në rastin e zgjedhjeve vendore duhet të zgjedhin kandidatin që është më i mirë për komunitetin e tyre, ndaj platformat e këtyre kandidatëve duhet të trajtojnë çështjet në interes të qytetarëve. Fushata u përqendrua në politikën dhe partitë kombëtare dhe jo në çështje me rëndësi për qytetarët”, tha Glover.

LEXONI GJITHASHTU:

• “Bashkë Fitojmë” dështon në zgjedhjet lokale, reagon për herë të parë Ilir Meta
• VIDEO| Fitoi mandatin e shtatë në Maliq, Topçiu ngre në krah Niko Peleshin