Rebelët e Ushtrisë Çlirimtare Kombëtare vrasin 9 ushtarë kolumbianë

Të paktën nëntë ushtarë kolumbianë u vranë dhe nëntë të tjerë u plagosën gjatë një sulmi nga guerilët e Ushtrisë Çlirimtare Kombëtare në një postë ushtarake në rajonin e trazuar pranë kufirit me Venezuelën.

Ushtria nuk dha detaje rreth sulmit në shtetin Norte de Santander, por konfirmoi se një vlerësim paraprak tregoi se operacioni vdekjeprurës u krye nga Ushtria Çlirimtare Kombëtare, ose ELN, grupi i fundit gueril aktiv i vendit, raporton AP.

Aksioni i sotëm nga guerilët e ELN-së është sulmi më i rëndë që nga nëntori i vitit të kaluar, kur negociatat e paqes me qeverinë vazhduan si pjesë e përpjekjeve të presidentit të parë të majtë të Kolumbisë, Gustavo Petro, për të sjellë “paqe të plotë” në Kolumbi.

LEXONI GJITHASHTU:

• Lirohen 79 policë që u morën peng gjatë demonstratave në Kolumbi
• Lufta për kokainën, Kolumbia arrin armëpushim me grupet e armatosura