Red Bull në telashe mes aksionerëve, Horner ndan skuderinë

Christian Horner ndan skuderinë në dy pjesë. Pas skandalit të fundit ku drejtuesi i Red Bull rezulton të ketë kërkuar favore seksuale nga një punonjëse, aksionerët janë të ndarë në pozicionin vendimmarrës për të ardhmen e Horner i cili mohon të ketë ofruar 650 mijë paund për mbylljen në heshtje të kësaj çështjeje.

Hetimi i hapur nga kompania mëmë në Austri nuk ka ende një rezultat përfundimtar por ka krijuar një hendek mes ortakëve për fatin e 50-vjeçarit. Sipas burimeve brenda kompanisë thuhet se austriakët që zotërojnë 49 % të skuderisë kanë bërë të qartë që Horner duhet të largohet.

Mirëpo kjo nuk mbështetet nga pala tailanedeze që refuzon ta pezullojë apo shkarkojë atë. Kuota prej 51 % që aziatikët zotërojnë në biznes mund të nënkuptojë që verdikti është përfundimtar.