Përfaqësuesi ligjor i Partisë Demokratike, Rezart Kthupi, ishte i ftuar këtë të premte në Euronews Albania për të folur rreth kërkesës së bërë nga partitë e vogla për referendum.

Ai tha se Referendumi është deri diku i pamundur, pasi kushtet në të cilat ai mund të realizohet janë thuajse të pamundura për t’u plotësuar.

“Shqipëria ka një problem në sensin e referendumit. Problemi është se e para referendumi kërkon një pyetje të drejtpërdrejtë dhe përgjigje me po ose jo. Pra ti nuk mund të shtrosh çështje që janë teknike, të cilat duhet të kalojnë nëpërmjet ligjit.

Referendumi është një mënyrë me anë të të cilit ti përcakton kahun e përgjithshëm nga duhet të shkosh, por ti nuk mund ta detajosh këtë kah. Problemi i dytë që ka referendumi është se ai kërkon pjesëmarrje masive; që ti sot të kalosh një kërkesë në referendum, duhet të votojnë pro 50% plus një person i listës së zgjedhësve.

Shqipëria ka një problem në listën e saj të zgjedhësve: ka mbi 800 apo 900 vetë që nuk janë rezidentë në Shqipëri dhe që nuk vijnë dot të votojnë. Të gjithë këta që janë në Shqipëri duhet të votojnë e të votojnë pro, kjo e bën deri diku të pamundur”,-tha Rezart Kthupi.

LEXONI GJITHASHTU:

• Ushtria ukrainase pretendon për përparime në fushëbetejë
• Nisma Thurje dorëzon në KQZ kërkesën për ndryshim të sistemit zgjedhor, flet Shabani