Reforma Territoriale, Balla takim me Alibeajn në Kryesinë e Kuvendit

Kreu i Grupit Parlamentar të PS-së, Taulant Balla dhe deputeti Enkelejd Alibeaj do të zhvillojë sot një takim në Kryesinë e Kuvendit me synim për të negociuar mbi Reformën Territoriale.

Ora është ende e papërcaktuar, por mendohet që takimi të zhvillohet pas përfundimit të mbledhjes së Këshillit të Integrimit ku Balla merr pjese si nënkryetar, rreth orës 13:00.

PD kërkon që vendi të ndahet në 94 bashki. Ndërsa për rajonet ky propozim i ri shtron idenë që vendi të ndahet në 6 rajone. Nga 61 bashki që janë aktualisht, ky draft propozon që të shtohen 33.

Ndërkohë ekspertët e mazhorancës në komisionin e Reformës Territoriale, rekomandojnë që për krijimin e një bashkie të re duhet të plotësohen kriteret e mëposhtme:

• Të jete zonë funksionale.
• Të mos dëmtojë zhvillimin ekonomik të bashkisë ekzistuese.
• Të ketë një numër biznesesh dhe banorësh të përcaktuar.
• Të jetë një territor që justifikon ndarjen.
• Të ketë një numër të caktuar nxënësish për Arsimin parauniversitar dhe disa të tjera.
• Ne propozojmë ndryshim legjislacioni duke adresuar problemet e evidentuar

Me këto propozime duket se PS i hap rrugën mundësisë së një bashkëpunimi me PD-në për shtim të numrit të bashkive.

LEXONI GJITHASHTU:

• Ndarje në 94 bashki, PD dorëzon në Kuvend draftin për Reformën Territoriale
• 33 bashkitë e reja që PD-ja propozon për hartën e re territoriale