Rekomandimet e OBSH-së: Të shpëtojmë jetë duke ulur konsumin e kripës

Kripa, një përbërës i zakonshëm në përditshmërinë tonë, po kthehet në një nga kërcënimet më të mëdha për shëndetin publik në Evropë.

Sipas OBSH-së, sëmundjet kardiovaskulare janë vrasësi numër një në Evropë, dhe konsumi mbi normën e kripës shihet si një nga shkaktarët kryesorë.

Në shumicën e vendeve, marrja e kripës tejkalon normën e rekomanduar prej 5 gramësh në ditë dhe më shumë se 70% e kripës merret nga ushqimet e përpunuara.

Ekspertët vlerësojnë se përdorimi pa kriter i kripës ndikon në rritjen e tensionit të gjakut, infarktin dhe goditjet në tru.

Për këtë arsye, ata paralajmërojnë se nëse e ulim konsumin e kripës me 25%, deri në vitin 2030 mund të shpëtojmë rreth 900 mijë jetë në Evropë.

OBSH rekomandon që të hartohen politika më të guximshme që vendosin shëndetin publik përpara fitimit dhe që krijojnë mjedise të shëndetshme, ku zgjedhja më e mirë për shëndetin të jetë edhe ajo më e lehta.

LEXONI GJITHASHTU:

• Rritet numri i infermierëve në botë, OBSH: Në 2030 do jenë 36 milionë
• Java e Sigurisë Rrugore, OBSH: 1.2 milion njerëz humbasin jetën në aksidente