Reshjet intensive në Gjirokastër mbushin me ujë liqenin e Viroit, rikthehen turistët

Reshjet intensive të ditëve të fundit në Gjirokastër kanë mbushur me ujë basenin e liqenit të Viroit, duke rikthyer një vlerë jo vetëm natyrore dhe ambientale por edhe turistike për jugun e vendit.

Liqeni artificial, pjesë e Parkut Natyror të Viroit, në hyrje të qytetit të Gjirokastrës, përgjatë gjithë kësaj periudhe ka qenë i thatë si shkak i motit të nxehtë dhe mungesës së reshjeve.

Shirat e këtyre ditëve kanë rritur ndjeshëm prurjet në burimin e Mëmës së Viroit prej nga furnizohet liqeni, duke rikthyer ujin në basenin e tij dhe duke i falur peizazhit të këtij Parku Natyror një bukuri të veçantë.

Banorët e Gjirokastrës por edhe turistët gjatë ditës së diel kanë shfrytëzuar uljen e intensitetit të reshjeve për të vizituar parkun e Viroit dhe mjediset natyrore të tij.

LEXONI GJITHASHTU:

• Opozita shqiptare në Maqedoni zyrtarizon koalicionin Lidhja Europiane për Ndryshim
• Ikën “Ciaran”, vjen “Domingos”| Stuhia e dytë e fortë godet Europën jugperëndimore