“Rezervë strategjike për Bitcoin”, Trump inkurajon sektorin e kriptomonedhave

Presidenti Donald Trump priti në Shtëpinë e Bardhë drejtues të sektorit të kriptomonedhave për të diskutuar mbi investimet dixhitale dhe krijimin e një rezerve strategjike për Bitcoin, një lëvizje që shënon një ndryshim të madh nga politika e administratës së mëparshme.

Trump kritikoi kufizimet e vendosura nga administrata Biden dhe nënshkroi një urdhër ekzekutiv për të mbajtur Bitcoin-in e konfiskuar nga qeveria, në vend që ta shesë, duke theksuar se nuk do të përdoren fondet e taksapaguesve.

Ky veprim synon të rrisë besimin tek investitorët dhe të ndihmojë SHBA-në të marrë një rol udhëheqës në tregun e kriptomonedhave.

Ekspertët vlerësojnë se krijimi i një rezerve Bitcoin mund të legjitimojë më tej tregun e kriptomonedhave dhe të forcojë pozicionin financiar të SHBA-së në këtë sektor. Aktualisht, qeveria amerikane zotëron rreth 200,000 Bitcoin, me vlerë rreth 17 miliardë dollarë.

LEXONI GJITHASHTU:

• Trump paralajmëron Kanadanë për tarifa reciproke në produktet e drurit dhe qumështit
• Zelensky: Ukraina, plotësisht e përkushtuar për dialog konstruktiv me SHBA