Ministri i Punëve të Brendshme Taulant Balla tha se votimi i rezolutës anti-korrupsion është një domosdoshmëri jetike për vendin dhe shoqërinë në Shqipëri.
“Është domosdoshmëri, jetike për vendin e për të ardhmen fillimi i luftës kundër korrupsionit, krimit të organizuar dhe fillimi i luftës kundër pandëshkueshmërisë”,-tha Taulant Balla.
Balla tha gjithashtu se transformimi digjital i vendit ka ndikuar në uljen e korrupsionit në vend, ndërsa shtoi se tashmë po punohet që qytetarët shqiptar të kenë identitetin digjital si ën disa nga vendet më të përparuara të Europës.
“Vetëm për 2 vite janë 11.5 milionë certifikata elektronike lëshuar te qytetarët duke u kursyer lekë e kohë çdo qytetari. Risia e shërbimeve online i ka mundësuar çdo shtetasi shqiptar pa qenë nevoja të kontaktojë nënpunës të gjendjes civile.
Jemi në një proces të rëndësishëm të transformimit digjital. Ne do të vijmë në Kuvend për ndryshimet ligjore dhe shumë shpejt do kemi mundësinë që qytetarët shqiptar të kenë identitetin digjital”,-tha Taulant Balla.
LEXONI GJITHASHTU:
- Kryetarja e AMA në Kuvend: Lufta ndaj piraterisë dhe Kodi i ri i Transmetimit
- “Hija e zezë e rezolutës”, Gjekmarkaj: Hetuesit e komunizmit flasin për drejtësi…
