Rezoluta për gjenocidin në Srebrenicë, Begaj: Masakra të tilla s’duhet të përsëriten

Presidenti i Republikës së Shqipërisë Bajram Begaj, ndau dot në profilin e tij në rrjetin X qëndrimin mbi miratimin nga ana e Asamblesë së OKB-së të Rezolutës që e vendos 11 Korrikun Ditën Ndërkombëtare të Reflektimit dhe Përkujtimit të Gjenocidit të vitit 1995 në Srebrenicë.

“Asambleja e Përgjithshme e Kombeve të Bashkuara miratoi sot një rezolutë që e vendos 11 Korrikun Ditën Ndërkombëtare të Reflektimit dhe Përkujtimit të Gjenocidit të vitit 1995 në Srebrenicë.

Shqipëria edhe një herë e konfirmoi veten në grupin e vlerave perëndimore me votën dhe angazhimin e saj që kjo rezolutë të miratohej.

Kjo datë do të shërbejë si kambanë e përhershme për të përkujtuar dënimin e gjenocidit, që masakra të tilla të mos përsëriten më dhe njëkohësisht është edhe një përgjigje ndaj mohuesve të gjenocidit dhe krimeve të tilla të tmerrshme” -shkroi Presidenti i Republikës.

LEXONI GJITHASHTU:

• Anuloi takimin gjatë vizitës në Shqipëri, Cameron bisedë telefonike me Begaj
• Presidenti Begaj vizitë me ftesë të Osmanit në Kosovë, zbardhet axhenda