Rikthehet Champions League, ndeshjet e fundit në grupe

Një ndeshje jetë a vdekje mund të konsiderohet pa asnjë lloj dyshimi përballja mes Manchester United dhe Bayernit të Mynihut. Në teatrin e ëndrrave djajtë synojnë të bëjnë detyrën edhe pse varen nga sfida tjetër e grupit që luhet në Kopenhagen me Galatasarayn.

Të vetmit të qetë në grupin A janë bavarezët që janë të kualifikuar, ndërsa 3 ekipet e tjera luftojnë për një biletë, por natyrisht surprizat nuk përjashtohen.

Fitorja është e vetmja mundësi që Manchester të kalojë më tej, por ndeshja në Danimarkë duhet të ndahet në barazim, nëse një prej ekipeve fiton, atëherë djajtë eliminohen automatikisht.

Në grupin B, Arsenali është i kualifikuar, teksa udhëton drejt Holandës ku e pret PSV. Të dyja skuadrat kanë siguruar biletën, ndërsa për vendin e tretë luhet Lens-Sevilla.

5 fitore në po aq ndeshje bëjnë që Reali i Madridit ta shohë veten më tej, ndërsa transferta e Berlinit nuk përbën problem, ndërsa napoletanëve u duhet 1 pikë për të shkuar më tej.

Në grupin D, Interi dhe Real Sociedad janë kualifikuar për fazën me eliminim direkt, por përballen për kreun. Sfida e parë u mbyll në barazim, ndërsa udhëheqin me nga 11 pikë.

LEXONI GJITHASHTU: 

• Besiktas “hakmerret” për humbjen, përjashton 5 futbollistë nga skuadra
• Dyfishohen çmimet e biletave për në Gjermani, shkak Kombëtarja