Rikthehet Liga e Kombeve, gjysmëfinalja e parë Gjermani-Portugali

Gjermania dhe Portugalia zbresin në fushë në mbrëmje në Ligën e Kombeve, e cila rikthehet me fazën gjysmëfinale. Vetëm njëra prej këtyre ekipeve avancon më tej, ndërsa dueli i sotëm gjen vend në Allianz Arena, aty ku pak ditë më parë u luajt finalja e Champions League. Në këtë fazë, ndeshjet janë teke; skuadra që fiton avancon më tej, ku pret fituesin e çiftit Spanjë-Francë. Të dielën mbyllet gjithçka.

Gjermania cilësohet favorite përballë Portugalisë në gjysmëfinalen e parë të Ligës së Kombeve, teksa kujtojmë se dueli i fundit i luajtur mes tyre është ai i vitit 2021, ku panzerat fituan në shifrat 4-2. Gjermanët kanë qenë gjithmonë një ters për luzitanët, të cilët nuk kanë mundur të marrin dot rezultat pozitiv asnjëherë në 5 sfidat e fundit mes tyre. Këtë herë gjërat janë ndryshe: ekipi i Nagelsmann vjen me shumë ndryshime, një skuadër në periudhë rotacioni, ndërsa në anën tjetër, atmosfera është më pozitive te Portugalia, e cila e ka kaluar ngërçin, ndërsa në fushë do të jetë lideri Cristiano Ronaldo.

Të dy teknikët, si Roberto Martinez edhe Julian Nagelsmann, e vlerësojnë këtë kompeticion, ku kanë shprehur dëshirën për fitimin e tij.

LEXONI GJITHASHTU:

• Kualifikueset e Kupës së Botës, Hysaj e Laçi analizojnë Serbinë: Luajmë për kombin
• Ndeshja me Serbinë, Hysaj: Politika nuk është puna jonë, ne duam tri pikët