Rinis parlamenti, Nikolla: Fokusi te integrimi europian, po punojmë bashkërisht

Kryetarja e Kuvendit, Lindita Nikolla mbajti fjalën e saj në çelje të sezonit të ri parlamentar.

Ndërsa bëri një bilanc të sezonit të shkuar, Nikolla bëri me dije dhe objektivat për sezonin e ri.

Integrimi europian ishte një nga pikat të cilin, kryeparlamentarja e cilësoi në fokus të punimeve.

“Dëshiroj t’ju falënderoj të nderuar kolegë e kolege për konsensusin mes grupeve parlamentare dhe për faktin që për integrimin europian po punojmë bashkarisht për realizimin e një objektivi kombëtar mbi partiak,” – u shpreh Nikolla.

Nga java e parë e shtatorit e në vijim, në fokus të diskutimit do të jenë një serë projektligjesh të rëndësishme, disa prej tyre të mbartura nga sesioni i kaluar. Ligji për bashkëpunëtorët e ish-sigurimit, do të jetë prioritet.

Një pikë shumë e rëndësishme është zgjedhja e emrit të ri të Avokatit të Popullit, pasi në mazhoranca dhe opozita nuk gjetën dakordësi gjatë vitit të kaluar. Procedura do të rinisi edhe njëherë nga e para. Dy nisma të tjera të rëndësishme që do të jenë prioritet për qeverinë janë edhe  amnistia fiskale dhe pasaportat e arta. Pavarësisht se të dyja propozimet  janë kundërshtuar nga ndërkombëtarët, Socialistët  shprehen të vendosur për t’i shkuar deri në fund zotimit të tyre.

LEXONI GJITHASHTU:

• Parlamenti nis punën më 4 shtator, ligjet që do të miratohen në sesionin e ri
• Kuvendi rinis sot punën me ndryshime në grupet parlamentare