Eksperti ligjor, Marcel Hila tregoi në një intervistë për Euronews Albania sesi funksionin strukturat e Sigurimit të Shtetit.
Ai përmendi rolin e informatorit, rezidentit dhe strehuesit, të cilët koordinoheshin në një mënyrë që të mos binin në sy, ndërkohë që mblidhnin informacione.
“Ky është informatori që i thoshte shko atje. Më pas rezidenti që mund të kishte 10 informatorë. I thoshte për shembull shko provoko filanin, shko pyete çfarë mendon për tollonin. Shko pyete a kanë ushqim a nuk kanë ushqim. Shkruaj një letër dhe ma vendos në filan vendi. Natën shkonte e merrte një oficer sigurimi. Ishin metoda të vjetra sovjetike. Ky ishte roli i informatorit. Rezidenti kishte disa informatorë që nuk e njihnin njëri tjetrin. I treti është strehuesi, ai që linte magazinën, dyqanin, shtëpinë në shërbim të tyre. Natën shkonte dhe hapte magazinën dhe priste informatorin që e kishte thirrur rezidenti”, tregoi eksperti.
Sa i përket roli të agjentit ai sqaroi se vinin kryesisht nga shtesat e të persekutuarve dhe merrnin informacion të besueshëm.
“Kush është agjenti? Agjenti është personi që nuk ka lidhje me rezidentin dhe nuk ka lidhje me strehuesit. Ka një lidhje vetëm me punëtorin operator. Agjentët janë kryesisht nga shtresat e persekutuarve. Agjentët merrnin informacione. Agjenti ishte më i besueshëm, futej në grupe”, u shpreh ai.
LEXONI GJITHASHTU:
- ‘168 mijë spiunë në dosjet e ish-Sigurimit’, eksperti tregon detaje
- Si rekrutoheshin dhe çfarë shkruhej në kartelat e ish-bashkëpunëtorëve të Sigurimit?
- Sekuestrimi i pasurive, Spahiu: SHBA me dy standarde për Berishën
