Rrebeshe shiu dhe rënie temperaturash, parashikimi i motit për javën

Java ka nisur me mot të kthjellët dhe vranësira të pakta kryesisht në jug, por duke nisur nga e mërkura moti pritet të marrë tjetër kthesë.

Meteorologu i Meteolb, Hakil Osmani, tha në emisionin “Goodmorning Albanians” në Euronews Albania se nga mesi i javës pritet shtimi i vranësirave dhe reshje shiu në të gjithë vendin, shoqëruar me rrebeshe.

Temperaturat deri në mesjavë pritet të kenë vlera normale deri në 20 gradë celsius në vlerat maksimale dhe 5 në ato minimale në zonat malore.

Pas të mërkurës pritet rënie e temperaturave në vlerat deri në 16 gradë maksimale dhe deri në 3-4 gradë në atë minimale.

LEXONI GJITHASHTU:

• Diell dhe kthjellime, parashikimi i motit për javën
• Rënie e ndjeshme e temperaturave në fundjavë, parashikimi i motit