Rrëfimi prekës i ukrainasit nga Kievi: Kemi humbur miqtë, s’kemi ujë dhe energji

Anëtari i Këshillit të Çështjeve Rinore për presidentin ukrainas, Volodymyr Zelensky, njëherësh delegat rinor nga Ukraina në OKB, Denys Ganzha deklaroi se jeta në Ukrainë, tanimë është mjaft e vështirë për shkak të luftës.

Në një intervistë për emisionin “Good Morning Albanians” në Euronews Albania, Ganzha u shpreh se çdo ditë njerëzit humbasin miqtë e tyre dhe shtoi se nuk ka ujë dhe energji elektrike.

“Sa i takon të rinjve, është e vështirë sepse ti humbet miqtë e tu çdo ditë, nuk ke ujë, nuk ke energji elektrike. Është e vështirë të gjesh një punë, por ne nuk e humbasim shpresën dhe do të vazhdojmë të qëndrojmë të fortë. E mbështesim njëri-tjetrin, përpiqemi që t’i shpëtojmë luftës, apo të humbasim mendjen, të paktën për një orë.

Nuk është një atmosferë fort pozitive në vend, por sigurisht që ne me mbështetjen e ndërkombëtarëve, besoj se do të jemi të aftë për të dalë nga kjo situatë. Ne vërtet kemi nevojë për mbështetjen tuaj dhe unë dua të falenderoj të gjithë që kanë mundur të ndihmojnë Ukrainën deri më tani”, theksoi ai.

LEXONI GJITHASHTU

• Zelensky personazh i vitit, këshilltari: S’do donim të ishte në kopertinë për luftën
• Zelensky shpallet ‘Njeriu i Vitit’ nga ‘Time’
• Zelensky: Mbi 1300 të burgosur lufte janë kthyer në Ukrainë