Rriten rastet tek psikiatri, Reli: Vizitat janë dyfishuar në 5 vite

Problemet e shëndetit mendor po gjejnë përhapje të gjerë në Shqipëri. Mjekët Psikiatër thonë se nga viti në vit numri i pacientëve të tyre vjen në rritje, por fatmirësisht mbizotërojnë problemet e lehta dhe jo ato madhore.

“Për shkak të vet kohës që është e ngarkuar kemi shtim të rasteve. Po të flasim për 5 vite më parë duke mos harruar dy trauma të mëdha, tërmeti dhe covid pa frikë janë dyfishuar vizitat”,- tha Arjana Reli psikiatre.

Shëndeti mendor nuk është më tabu. Qytetarët kërkojnë ndihmë, tek profesionistët dy herë më lehtë se më parë.

“Ende ka njëlloj stepje për të mos e pranuar deri në fund problemin por dhe mesa duket ne profesionistët jemi pak krahasimisht me fluksin që duhet të përballojmë”,-tha psikiatrja.

Por çfarë po i shqetëson më shumë shqiptarët që shkojnë tek psikiatri?

“Vazhdon të kryesoj gjendja e ankthit me çrregullime karakteristike të gjumit të humorit përqendrimit, apo ankesa të tjera si marramendja, humbje të oreksit, po haset në gjitha moshat me predominim moshën aktive të rinjtë”,-iu shpreh psikiatrja.

Edhe pse trendi i viteve të fundit për të përdorur masivisht dhe pa recetë mjekësorë medikamente qetësues ka ndryshuar, sërish ato janë në krye të listës së barnave më të shitura.

 “Vetë popullata është e informuar dhe e frikësuar për medikamentet që krijojnë varësi për të mos shkuar dhe mos e marr dhe pastaj, është barriera e farmacistëve për ti dhënë, por këto medikamente kryesojnë shitjet”, tha Arjana Reli.

Veç faktorëve social ekonomik, mjekët fajësojnë edhe ndryshimet klimatike kur bëhet fjalë për problem të shëndetit mendor. Ata thonë se këtë vit Shqipëria kaloi nga një vjeshtë e gjatë në pranverë duke tejkaluar dimrin që  nga profesionistët e shëndeti konsiderohet si një periudhë e qetësimit të këtyre sëmundjeve.

LEXONI GJITHASHTU:

• Sezoni turistik në Pogradec/ Riten rezervimet, probleme me gjetjen e punëtorëve
• Mjeku psikiatër: Dua ta sqaroj ‘kokë më kokë’ Berishën, është keqinformuar