Këshilli Bashkiak i Vlorës ka miratuar sot rritjen e biletës për transportin urban publik. Mësohet se përfaqësuesi i firmës e ka bërë këtë kërkesë në mbledhjen e sotme, edhe pse nuk ka qenë fare në rendin e ditës.
Rritja me 33% e çmimit të biletës, jo vetëm që nuk ka qenë në rendin e diskutimeve të këshilltarëve vlonjatë, por edhe është pranuar pa kushte.
Banorët e qytetit bregdetar janë ankuar shpesh për kushtet e këqija në urban dhe mjetet e amortizuara. Çmimi i biletës për transportin urban nga 30 lekë të reja, tashmë do të jetë 40 lekë të reja.
E njëjta vlerë paguhet dhe në Tiranë, për këtë shërbim. Vlonjatët janë shprehur shpesh në media për kushtet në të cilat ndodhet ky shërbim publik por në dorën e privatit. Nuk dihet nëse me rritjen e çmimit të biletës, firma private që ka transportin urban në Vlorë ka parashikuar të kryejë investime.
LEXONI GJITHASHTU:
- Kaosi me linjat urbane, eksperti: Bashkia s’respekton kontratën
- S’ka shtim të flotës së urbanëve në Tiranë, thotë përfaqësuesi i shoqatës