Rusia do sulmojë Moldavinë? Eksperti tregon se çfarë po përgatit Putin

Eksperti i marrëdhënieve ndërkombëtare, Dritan Hoti thotë se nuk ka indikacione për një ndërhyrje ushtarake ruse në Moldavi.

Në një intervistë për Euronews Albania, Hoti u shpreh se ka informacione për tentativa destabilizimi të brendshëm të pushtetit politik dhe institucional.

“Moldavia është një vend i kërcënuar, por jo, nuk ka indikacione për një ndërhyrje ushtarake ruse. Këto vijnë nga burimet e inteligjencës amerikane, por ka informacione për tentativa destabilizimi të brendshëm të pushtetit politik dhe institucional.

Për të ndryshuar pushtetin e brendshëm kërkohet disponimi i një baze mbështetëse dhe forcat e opozitës moldave kanë qenë të prirura që të kenë marrëdhënie të posaçme me Moskën. Kjo është republikë ruso-fone, ku brenda territorit të saj ka një prezencë prej 1500 ushtarësh ruse”, theksoi ai.

LEXONI GJITHASHTU

• Përpjekje për destabilizimin e Moldavisë? Reagon Moska
• SHBA-të thirrje qytetarëve amerikanë: Largohuni menjëherë nga Rusia
• Rusia kërcënon Moldavinë, Sandu: Kremlini, përpjekje për grusht ushtarak shteti