Rusia ka të ngjarë të rrisë djegien e gazit, thotë zyrtari

Rusia ka të ngjarë të përshpejtojë djegien e gazit në muajt e ardhshëm, ndërsa objektet e depozitimit të gazit mbushen, tha Drejtori Ekzekutiv i Agjencisë Ndërkombëtare të Energjisë, Fatih Birol.

Ai tha në një konferencë për shtyp se besimi në Rusinë si furnizues i energjisë është lëkundur në mbarë botën pas pushtimit të Ukrainës dhe reduktimit të eksporteve të gazit dhe se humbja e Evropës si partner do të dëmtonte Moskën, raporton Reuters.

“Rusia nuk po e fiton betejën e energjisë këtu,” tha Birol.

Ai tha gjithashtu se sezoni i ardhshëm i dimrit do të jetë një test i solidaritetit evropian.

Nëse kontinenti dështon në atë provë, ndikimi mund të ndihet “përtej krizës energjetike”, tha Birol.

Rystad Energy njoftoi kohët e fundit se Rusia po djeg gazin që do të eksportohej në Evropë nëpërmjet një tubacioni që zakonisht transporton më shumë se një të tretën e gazit të importuar të Evropës, por rrjedha është reduktuar në 20 për qind të niveleve normale.

LEXONI GJITHASHTU:

• Rusia pezullon lëshimin e pasaportave biometrike