Vdes foshnja që u nxor e gjallë nga barku i nënës së vrarë në Gazë

26 Prill 2024 | 11:31

Një foshnje, e cila ishte nxjerrë e gjallë ditë më parë nga barku i nënës së vrarë nga një sulm ajror izraelit në jug të Gazës, ka vdekur të enjten.

Foshnja Sabreen al-Sakani u nxor e gjallë përmes prerjes cezariane nga barku i një gruaje palestinez në një spital në Rafah, pak pas mesnatës të dielën.

Megjithatë, ajo vdiq të enjten dhe është varrosur pranë nënës së vet, emrin e të cilës e kishte trashëguar, raporton BBC.

Foshnja Sabreen ishte në mesin e 16 fëmijëve që u vranë nga dy sulme ajrore në Rafah javën e kaluar. Të gjithë u vranë nga bombardimi që cak e kishte një bllok banimi ku jetonin ata.

Forcat Mbrojtës të Izraelit (IDF) thanë se infrastruktura dhe luftëtarët e Hamasit – grupit të shpallur organizatë terroriste nga SHBA dhe BE – in cak i bombardimeve të saj.

Nëna e Sabreenit ishte shtatë muaj e gjysmë shtatzënë kur Izrseli e bombardoi shtëpinë e saj, pak para mesnatës të shtunën, derisa ajo, burri i saj Shukri dhe vajza e tyre trevjeçare Malak, ishin në gjumë.

Sabreen pësoi plagë të rënda, ndërsa burri i saj dhe Malak u vranë, por foshnja ishte ende gjallë në barkun e saj kur ekipet e shpëtimit mbërritën në vend të ngjarjes.

Ata e dërguan Sabreenin në spital, ku mjekët bënë ndërhyrje urgjente cezariane për ta nxjerrë foshnjën.

U duk sikur Sabreen ishte në gjendje stabile dhe ishte vendosur në një inkubator. Në atë kohë, mjekët e kishin përshkruar si kritike gjendjen e saj.

Më shumë se gjysma e popullsisë prej 2.3 milionë banorësh e Gazës është zhvendosur në Rafah për t’u shpëtuar bombardimeve izraelite, të nxitura pas sulmit të 7 tetorit 2023 ndaj Izraelit nga grupi ekstremist palestinez, Hamas, i shpallur organizatë terroriste nga Shtetet e Bashkuara të Amerikës dhe Bashkimi Evropian.

Lufta e Izraelit në Gazë kundër Hamasit nisi pasi pjesëtarët e këtij grupi i vranë rreth 1.200 njerëz, kryesisht civilë, dhe i rrëmbyen rreth 250 të tjerë gjatë atij sulmi në jug të Izraelit.

Më shumë se 34.000 palestinezë janë vrarë, prej të cilëve dy e treta fëmijë dhe gra, si pasojë e luftës izraelite në Gazë prej atëherë, sipas zyrtarëve shëndetësorë palestinezë.

LEXONI GJITHASHTU: 

Home Kryefaqja
Shiko në: YouTube
Lajme të Sugjeruara

Nis marshimi nga sheshi “Skënderbej” drejt Kryeministrisë në ditën e 25-të të protestës në Tiranë

Ka nisur marshimi i qytetarëve nga sheshi “Skëndërbej” drej Kryeministrisë edhe këtë të mërkurë kur regjistrohet dita e 25-të e protestës. Grumbullimi i qytetarëve nisi...
20:03 | 24/06/2026

Protesta në Tiranë hyn në ditën e 25-të, qytetarët mblidhen para godinës së Kryeministrisë

Ashtu si çdo ditë tjetër, edhe këtë të mërkurë po zhvillohet protesta e aktivistëve dhe qytetarëve në Tiranë, e cila ka hyrë në ditën e...
18:48 | 24/06/2026

U helmua me kërpudha, gazetari që zbuloi lidhjen e dyshuar të Putinit gjendet i vdekur në mërgim

Letonia po heton vdekjen e gazetarit rus në mërgim Grigory Nekhoroshev, i cili dyshohet se ka ndërruar jetë pasi ka konsumuar kërpudha helmuese. Nekhoroshev ka...
17:38 | 24/06/2026