Ja si dallohet kur qumështi ka ujë – Eksperti tregon “sekretin”

Vetëm 5% e blegtorëve kryejnë teste laboratorike për cilësinë e qumështit thotë një studim i FAO-s (Organizata e Kombeve të Bashkuara për Ushqimin dhe Bujqësinë) që u publikua këto ditë. Gjetjet kanë treguar se Shqipëria ka nivelin më të ulët të kontrollit të cilësisë së qumështit në rajon.

Kapllan Sulaj dekan i Bioteknologjisë ushqimorë në Universitetin Bujqësor të Tiranë tha në emisionin GoodMorning Albanians në Euronews Albania se qumështit gjatë përpunimit mund të shtohet ujë në sasi të vogla, por nëse kjo sasi është e konsiderueshme ajo është lehtësisht e dallueshme.

“Qumështit mund t’i shtohet ujë në sasi të vogla, nëse shtohet në mënyrë të konsiderueshme dallohet. Kur të ziejë, kur të përpunohet, të bëhet kos dallohet se veçohet uji, nuk mpikset në mënyrë uniforme. Ka teste të thjeshta për ta dalluar. Bie në sy kur është shtuar shumë ujë, se është një sasi e konsiderueshme e ujit që veçohet nga kosi. Edhe qumështi pluhur dallohet se ka qumësht pluhur që mund të bëhet kos që nuk mund të bëhet kos”, tregoi ai.

LEXONI GJITHASHTU:

• Fermerja: Qumështi i dhisë me antibiotikë nuk duhet përzier me qumështin tjetër
• Eksperti Sinani: Qumështi shqiptar, më i miri sesa i Greqisë dhe i çdo vendi tjetër