Rusia po bombardon pa pushim zonat e banuara, thotë kryebashkiaku i Mariupol

Kreu i bashkisë së Mariupol, qytet në juglindje të Ukrainës thotë se gjatë 14 orëve të fundit forcat ruse kanë vrarë një numër i madh civilësh në vendstrehime dhe zona rezidente.

Vadym Boychenko gjatë një interviste për televizionin 1+1 TV Channel në Ukrainë thotë se trupat e Moskës gjithashtu kanë penguar civilët që të evakuohen nga porti i qytetit.

“Ka pasur shkatërrime kolosale në rezidenca, ka shumë të vrarë dhe plagosur, mes të cilëve të moshuar, gra dhe fëmijë”, shprehet ai..

Boychenko ka deklaruar se qëllimi i forcave ruse është që t’i shkatërrojë dhe nuk kanë aspak qëllim që të ndihmojnë civilët.

Qyteti Mariupol është vend strategjik pasi ndan forcat ruse në gadishullin e aneksuar të Krimesë nga trupat separatiste në Ukrainën lindore.