Rusia po përdor bomba të ndaluara në Ukrainë, thotë kreu i NATO-s

Sekretari i Përgjithshëm i NATO-s, Jens Stoltenberg bëri me dije se Rusia ka përdorur bomba të cilat janë artileri e ndaluar në Ukrainë.

“Ne kemi parë përdorimin e këtyre bombave dhe kemi parë raporte për përdorim të llojeve të tjera të armëve që do të ishin në kundërshtim me ligjin ndërkombëtar”, u tha Stoltenberg gazetarëve në Bruksel të premten.

Stoltenberg shtoi se NATO dhe aleatët e saj “po mbledhin informacion dhe po monitoronin nga afër se çfarë po ndodh në Ukrainë”.

“Unë mirëpres gjithashtu vendimin e Gjykatës Ndërkombëtare Penale për të hapur hetimin për këtë, sepse ne duhet të sigurohemi që presidenti Putin dhe Lukashenko të mbajnë përgjegjësi për atë që bëjnë”, tha ai.

LEXONI GJITHASHTU:

• Ukrainasit në kufijtë e Evropës, pritet shtim i largimeve