“Sakrificë të investosh në bujqësi”/ Flet për Euronews Albania ministrja Anila Denaj

Anila Denaj ka folur për herë të parë në Euronews Albania, pas marrjes së postit Ministre e Bujqësisë.

Ajo theksoi se është në shërbim të të gjithë deputetëve pavarësisht bindjeve politike ndërsa shtoi se të investosh në bujqësi nuk duhen vetëm para, por mund dhe sakrificë.

Më tej ajo shtoi se ky sektor ka dhe risqet e veta, ashtu siç janë fatkeqësitë familjare.

“Unë jam në shërbim të gjithë deputetëve dhe jo vetëm mazhorancës për të sjellë problematikat e zonave tyre sepse në fund të ditës ne respektojmë punën e djersën. Të investosh në bujqësi nuk kërkon vetëm para, është shumë mund dhe sakrificë sepse është një sektor që jep frytet shumë vite më pas dhe risqet vetëm janë shtuar. Ne jemi aty për të pasur një zë më të shtuar, më kritik, qoftë dhe në përplasjet tona, pavarësisht se nga kush krah jemi. Siguria ushqimore është e para dhe përtej gjithë punës së mrekullueshme që është bërë, ka hapësira për zbatim. Lufta ndaj informalitetit, shkeljes së syrit është një betejë e parë që unë e kam ngriur që ditën e djeshme në detyra konkrete me grupe pune, jo si një aksion por si një detyrë funksionale e ndërtuar me pushtetin vendor dhe prefekturat”-tha ajo.

LEXONI GJITHASHTU: 

• Dhunoi nënën dhe bashkëshorten e tij, arrestohet 63-vjeçari në Gjirokastër
• Kredi të lehtësuara për banesa, hapen aplikimet tek e-Albania për administratën