Salianji: Korruptimi i Mcgonigal e ka bërë me turp këtë vend

Ervin Salianji në fjalën e mbajtur gjatë mocionit me debat në parlament për çështjen McGonigal, ka thënë se Edi Rama e ka nxirë më shumë se kushdo tjetër Shqipërinë.

Sipas tij kryeministri refuzoi ta lexonte aktakuzën pasi tregohet se personat që e shoqëronin në takimet me McGonigal, kishin përfitime financiare nga ana e tij.

Salianji theksoi se korruptimi i zyrtarit të FBI-së nga kryeministri është një turp që bie jo vetëm mbi Ramën, por mbi të gjithë vendin.

“Nuk tha dhe e shmangu në sytë e të gjithëve ne edhe aktakuzën. Për herë të parë Edi Rama sot sterronte dhe ishte strehuar në egoizmin e vetë për shkak se nuk dilte nga asnjë fjalë nga ato që i kishin shkruar dhe nuk dilte nga asgjë. Pse nuk e lexoi Edi Rama sot aktakuzën ku thuhet që personat A dhe B që shoqëronin kryeministrin në takimet me McGonigal, kishin interesa financiare nga përfshirja dhe vendimmarrja e kryeministrit. Pe nuk e thotë kryeministri që pas takimit e kryeministri, personat A dhe B shkuan në Shtetet e Bashkuara të Amerikës dhe korruptuan shefin e FBi-së. Hartimi i kryeministrit sot ishte shumë i dobët, nuk e ka nxirë Shqipërinë askush më shumë se ky kryeministër. Nuk flitet asnjëherë tjetër dhe nuk është folur kurrë në këto përmasa në mediat botërore nga shtetet e Bashkuara, në Gjermani e Itali për përfshirjen e qeveritarëve në korrupsion dhe për të gjithë elementët e tjerë që e kanë bërë me turp këtë vend”, tha Salianji.

LEXONI GJITHASHTU: 

• Rama për revolucionin: Kali në protestë, e vetmja qenie që meriton respekt
• Berisha bën deklaratën e fortë: E gjithë qeveria nën hetim, u kanë përgjuar e-mailet