Satelitët në hapësirë, kompania argjentinase: Janë trajnuar 20 zyrtarë

Matt Tirman, Drejtor për marrëdhëniet tregtare i ‘Satellogic’ kompania amerikane qe ka kontraktuar qeveria shqiptare për 2 satelitët në hapësirë, ka dhënë një intervistë ekskluzive për Euroneës Albania.

Ai tha që se 20 zyrtarë janë trajnuar deri tani për të monitoruar punën e satelitëve që janë lëshuar në hapësirë.

Tirman theksoi se zyrtarët e trajnuar kanë qenë të Ministrisë së brendshme dhe zyrtarë të Autoritetit Shtetëror për Informacionin Gjeohapësinor.

Pjesë nga intervista:

Pyetje: A po trajnohet stafi shqiptar dhe sa kohë parashikohet të marrë trajnimi i tyre?

Matt Tirman: Po, po trajnohen. Ne kemi trajnuar disa prej ekipit shqiptar. Kanë mësuar gjëra që lidhen me inteligjencën artificiale, me të dhënat që ofrohen. Ky trajnim është kryer në dhjetor.

Pyetje: Sa persona janë trajnuar deri tani?

Matt Tirman: Janë trajnuar 20 zyrtarë deri tani.

Pyetje: Sa kohë merr trajnimi i tyre?

Matt Tirman: Varet, ky trajnim fillestar zgjati dy javë. Ne kemi për qëllim ti mësojmë të punojmë me pajisjet tona dhe të zgjerojnë njohuritë e tyre.

Pyetje: Zyrtarët e trajnuar kanë qenë të Ministrisë së Mbrojtjes?

Matt Tirman: Kanë qenë të Ministrisë së brendshme dhe zyrtarë të  Autoritetit Shtetëror për Informacionin Gjeohapësinor.

LEXONI GJITHASHTU: 

• Ekskluzive/ Flet zyrtari i kompanisë që ka kontraktuar Shqipëria për dy satelitët
• Dauti: Perceptimi negativ për shqiptarët vazhdon, disa tabloidë vazhdojnë shkruajnë
• Spahiu: Pse Shqipëria duhet të pranojë emigrantë të pasur dhe kualifikuar