Scholz: BE-ja do të përdorë të ardhurat nga asetet ruse për të blerë armë për Kievin

“Vendet e BE synojnë të përdorin të ardhurat nga asetet ruse të ngrira në Evropë për të financuar blerjet e armëve për Kievin”. Kështu u shpreh kancelari gjerman, Olaf Scholz.

“Ne do të përdorim super fitimet nga asetet ruse të ngrira në Evropë për të mbështetur financiarisht blerjen e armëve për Ukrainën,” tha kancelari në një konferencë të përbashkët shtypi me presidentin francez, Emmanuel Macron dhe kryeministrin polak, Donald Tusk në Berlin.

“Dhe ne të tre do të takohemi përsëri javën e ardhshme dhe do të diskutojmë këto çështje me partnerët tanë evropianë në Këshillin Evropian,” shtoi Scholz.

Më 11 mars, Financial Times raportoi se BE-ja mund t’i transferojë Ukrainës në korrik 2024 dy ose tre miliardë euro, të ardhura nga riinvestimi i aseteve të ngrira të Rusisë, të menaxhuara nga depozituesi ndërkombëtar Euroclear.

Më 1 shkurt, pjesëmarrësit e samitit të BE-së miratuan propozimin e Komisionit Evropian për të përdorur të ardhurat nga asetet e ngrira të Rusisë për të financuar pjesërisht një program ndihme buxhetore prej 50 miliardë eurosh për Ukrainën deri në vitin 2027.

LEXONI GJITHASHTU: 

• Gjermania kritika SHBA: E padrejtë që Kosovës t’i vihen kushte të reja për në KiE
• Dhëndri i Trumpit synon investime turistike në Shqipëri dhe Serbi