‘S’e njohim si shtet’, ambasadori rus në Beograd tregon qëndrimin për Kosovën

Ambasadori i Rusisë në Serbi, Aleksandr Bocan Kharchenko dekalron se nuk ka dhe nuk mund të ketë asnjë ndryshim në qëndrimin e Rusisë sa i përket çështjes së Kosovës.

Për median serbe “Politika”, Kharchenko është shprehur se Rusia nuk do ta njohë Kosovën.

“Nuk është praktikë e jona të komentojmë deklaratat e presidentit. Për këtë temë, do të them se nuk ka dhe nuk mund të ketë asnjë ndryshim në qëndrimin e Federatës Ruse për çështjen e Kosovës. Ne nuk e njohim Kosovën dhe mbështesim më aktivisht Beogradin në forumet ndërkombëtare, në radhë të parë në Këshillin e Sigurimit të OKB-së. Gjithçka në lidhje me ndryshimin e pretenduar të qëndrimit rus u shpik me qëllim të prishjes së marrëdhënieve midis Moskës dhe Beogradit dhe që Serbia t’i përmbahet masave antiruse”, u shpreh ambasadori.

Më 26 prill, presidenti rus, Vladimir Putin, e ka krahasuar Kosovën me dy rajonet separatiste në Ukrainë, Donjeckun dhe Luhanskun, të njohura bashkërisht si Donbas.

Rusia, është një ndër shtetet që nuk e njeh Kosovën si shtet të pavarur.

LEXONI GJITHASHTU:

• Kosova siguron grurin, rikthehet importi nga Serbia
• Opozita në Kosovë i kërkon sqarime Kurtit për takimin me Vuçiçin
• Kurti e Vuçiç për birra pas darkës me Lajçak, pretendon ish-ministri serb