Sejdarasi sqaron “Paqen Fiskale”, kush përfiton nga vendimi i qeverisë

Eksperti për Çështjet e Ekonomisë, Bardhi Sejdarasi tha në emisionin Now në Euronews Albania se vendimi i qeverisë për paqen fiskale nuk do të thotë amnisti fiskale.

Sipas tij, kjo nismë e qeverisë bëhet në kushtet kur stoku i kompanive që nuk kanë paguar detyrimet është aq i madh sa i probleme shumë të mëdha drejtorisë së tatimeve.

‘Nuk është amninsti fiskale sepse ajo është kundërshtuar nga të gjitha autoritetet që mbikëqyrin qeverinë shqiptare. Ka një numër të konsiderueshëm biznesesh që për arsye nga të më ndryshmet ose janë mbyllur ose nuk ka më biznes. Unë bëj një marrëvehsje me tatimet, nëse nuk kam paguar deri në 2014, falen sipas paqes, kjo është një barazi e pandershme sipas meje se ka biznese që kanë paguar edhe në ’97 mes plumbave.

Të jep një mundësi që të paguash me këste dhe të falen kamatvonesat, janë edhe një pjesë që nuk kanë paguar detyrimet 5 vitet e fundit … Kjo bëhet se stoku i kompanive që kanë balancë negative, që nuk kanë paguar është aq i madh sa i krijon probleme shumë të mëdha drejtorisë së tatimeve për të specifikuar analizën e riskut’, sqaroi ai.

LEXONI GJITHASHTU:

• Rama njofton faljen e madhe për detyrimet tatimore përmes “Paqes Fiskale”
• FMN: Shqipëria të mos bëjë paqe fiskale, sfidën me ekonominë e ka te fuqia punëtore