“Seks?! T’falemners sa me e provu”, shfaqja që u paragjykua

Shfaqja “Seks?! T’falemners sa me e provu” është një histori emocionuese, një diskutim rreth seksit: tabu, zakone, fjalë për të mos thënë dhe mite për t’u hedhur poshtë.

Aktorja Rita Gjeka tha në një intervistë për “Good morning Albanians” në Euronews Albania se u paragjykua për titullin e shfaqjes dhe moshën.

“Ka pasur njerëz, por edhe kolegë që më kanë thënë çfarë është kjo marri. Ka pasur, por lërë, s’po e zgjasim se na vjen marre,” – u shpreh Gjeka.

Duke filluar nga Adami dhe Eva, duke kaluar nëpër shoqëri matriarkale, duke rizbuluar kujtimet e fëmijërisë, përrallat moderne dhe të lashta, Franca Rame, duke punuar së bashku me Dario Fo dhe djalin e tij Jacopo, thurin një monolog ironik dhe zbavitës për të shpjeguar atë që është ende një tabu në ditët tona.

LEXONI GJITHASHTU:

• Avokati: Po shtohen abuzimet seksuale me të miturit, duhet një regjistër
• Borova: Duhet të hapen shtëpitë publike, seksi është i shëndetshëm