Sekuestrohen mbi 2.8 tonë kokainë në Karaibe

Forcat e armatosura të Hondurasit kanë konfiskuar më shumë se 2.8 tonë kokainë, të cilën e gjetën në dy varka të vogla në një plazh në bregdetin e Karaibeve.

Sipas mediave të huaja, fillimisht, u sekuestruan 2760 pako droge, me peshë një kilogram secila.

Një pjesë e drogës u gjet e groposur në një plazh dhe hetimet po vazhdojnë në zonë për të përcaktuar nëse ka sasi të tjera.

Në total u gjetën 2835 pako. E gjithë lënda narkotike u transportua në kryeqytet dhe në departamentin e Gratias a Dios, ndërsa hetimet vazhdojnë.

Që nga vitet 1970, Hondurasi ka qenë pjesë e rrugëve të transportit të kokainës nga Amerika Latine, ku prodhohet për tregun e SHBA-së. Presidenti i Hondurasit, Xiomara Castro, i cili mori detyrën në janar 2022, është zotuar se do të godasë kriminalitetin dhe tregtinë e drogës.

Paraardhësi i saj, Juan Orlando Hernandez, u ekstradua dhe u burgos në SHBA, menjëherë pasi la detyrën.

Më 8 mars, një juri në gjykatën federale të Nju-Jorkut e shpalli atë fajtor, për favorizim në importin e më shumë se 500 tonëve kokainë në Shtetet e Bashkuara nga viti 2004 deri në vitin 2022.

LEXONI GJITHASHTU:

• Rama nis turin e takimeve në diasporë, Klosi: Krijojmë degët tona kudo ka shqiptarë
• “Sa më shpejt ndihma ushtarake”, Biden i jep garanci Zelensky-t