Sela: Propozimi francez duhet marrë me seriozitet nga politikanët maqedonas

Kryetari i “Aleancës për Shqiptarët”, Ziadin Sela kërkoi më shumë maturi dhe seriozitet nga politikbërësit në Maqedoninë e Veriut dhe sidomos atyre maqedonas, në lidhje me zgjidhjen e kontestit me Bullgarinë.

Në një intervistë për “Euronews Albania”, Sela u shpreh se tanimë nuk bëhet fjalë për pranimin apo jo të propozimit francez, por për rrugën europiane të Maqedonisë së Veriut.

“Duhet më shumë maturi nga politikbërësit në Maqedoninë e Veriut dhe sidomos politikanët maqedonas të jenë të vetëdijshëm që nuk bëhet fjalë për pranimin ose jo të propozimin francez, por bëhet fjalë për vazhdimin ose ndërprerjen e rrugërimit të Maqedonisë së Veriut drejt Bashkimin Evropian. Me këtë seriozitet duhet marrë ky propozim i cili vjen për të zgjidhur një kontest”, theksoi ai.

Sela nënvizoi se çështjet e identitetit dhe gjuhësore në propozim natyrisht që ruhet si e drejtë e palës maqedonase, por ruan të drejtën edhe pala bullgare për të pasur një mendim të saj.

“Aleanca për Shqiptarët” do të ketë përfaqësuesin e saj në grupin e punës mes mazhorancës dhe opozitës në lidhje me këtë çështje.

LEXONI GJITHASHTU

• Kovaçevski: Nxitësit e dhunës të mos manipulojnë njerëzit për synime politike
• 47 policë të lënduar nga sulmet e protestuesve në Shkup, arrestohen 10 persona
• Tensione në Shkup, protestuesit thyejnë xhamat e ministrisë, lëndohen 4 policë